Tender Detail

የሽያጭ ጨረታ

የጨረታ ማስታወቂያ ቁጥር AP-01/2025/26)

የኦሮሚያ ኅብረት ሥራ ባንክ አ.ማ ከዚህ በታች የተዘረዘሩትን በብድር መያዣ የያዛቸውን መኖሪያ ቤቶች ባሉበት ሁኔታ በግልፅ ጨረታ አወዳድሮ ሙሉ በሙሉ በጥሬ ገንዘብ ለመሸጥ ይፈልጋል።

የጨረታ መመሪያ፦

1. የንብረቶቹን ዝርዝር ሁኔታ ማየት የሚፈልጉ ተጫራቾች ከላይ በተጠቀሰው አድራሻ በመገኘት ጨረታው በጋዜጣ ከወጣበት ከሐምሌ 26 ቀን 2018 ዓ.ም ቀን ጀምሮ በሥራ ሰዓት የጨረታ ሰነድ በአቅራቢያዎ ከሚገኝ የኦሮሚያ ኅብረት ሥራ ባንክ ቅርንጫፍ በሂሳብ ቁጥር ETB1446500010001 የማይመለስ ብር 300 (ብር ሦስት መቶ) ገቢ በማድረግና የጨረታውን ሰነድ ከባንኩ ንብረት አስተዳደር ቢሮ ወይም ንብረቱ ከሚገኝበት ቅርንጫፍ በመውሰድ መጎብኘት ይችላሉ።
2. ገዥዎች የሚገዙበትን ዋጋ በታሸገ ኤንቨሎፕ እስከ ጨረታ መዝጊያ ነሐሴ 11 ቀን 2018 ዓ.ም ድረስ ቦሌ መንገድ ራንግ ሪልስቴት ሕንፃ 7ኛ ፎቅ ንብረት አስተዳደር ዋና ክፍል በአካል ወይም ህጋዊ ወኪሎቻቸውን በመላክ ለዚሁ በተዘጋጀው ሳጥን ውስጥ በማስገባት መጫረት ይችላሉ።
3. ጨረታው በሪፖርተር ጋዜጣ ከተገለጸበት ከሐምሌ 26 ቀን 2018 ዓ.ም እስከ ጨረታው መዝጊያ ነሐሴ 11 ቀን 2018 ዓ.ም ድረስ ለተጫራቾች ክፍት ሆኖ ከቆየ በኋላ ነሐሴ 11 ቀን 2018 ዓ.ም በ 8፡00 ሰዓት ላይ ተዘግቶ በዚያው ዕለት 8፡30 ሰዓት ላይ ተጫራቾች በተገኙበት ይከፈታል።
4. ተጫራቾች ለሚጫረቱበትን ንብረት /ጨረታ/ መነሻ ዋጋውን 25% (ሃያ አምስት በመቶ) በባንክ ክፍያ ማዘዣ (CPO) በኦሮሚያ ኅብረት ሥራ ባንክ ስም በማሰራት ከጨረታ ሰነዱ ጋር ማቅረብ ይኖርባቸዋል።
5. የጨረታው አሸናፊዎች ባሸነፉበት ንብረት ላይ የሚከፈሉ የሊዝ ክፍያዎች እና ከስም ዝውውር ጋር የተያያዙ ለመንግስት የሚከፈሉ ማናቸውንም ክፍያዎችን ይከፍላሉ።
6. ለንብረቶቹ ከፍተኛ ዋጋ የሚያቀርብ ተጫራች አሸናፊ ይሆናል።
7. የጨረታው አሸናፊ አሸናፊነቱን የሚገልፅ ደብዳቤ ከባንኩ ከተቀበለበት ዕለት ጀምሮ ሙሉ ክፍያውን በ 5 ቀናት ውስጥ አጠቃሎ በመክፈል እና የሽያጭ ውል ስምምነት በመፈጸም ከንብረቱ ጋር ተያያዥነት ያላቸውን ሰነዶች በመረከብ ንብረቱን ከ 10 ቀናት ባልበለጠ ጊዜ ውስጥ መረከብ ይጠበቅበታል፤ በእነዚህ ቀናት ውስጥ አሸናፊ ተጫራች የሽያጩን ገንዘብ ካልከፈለ እና ንብረቱን መረከብ ካልቻለ ጨረታው ተሰርዞ ለጨረታ ማስከበሪያ ያስያዘው ገንዘብ ለባንኩ ገቢ ይደረጋል።
8. የጨረታ ማስከበሪያ ዋስትና ሳይያያዝ የሚቀርብ የጨረታ ሰነድ ተቀባይነት የለውም።
9. ባንኩ የተሻለ ዘዴ ካገኘ በማንኛውም ጊዜ ጨረታውን ሙሉ በሙሉ ወይም በከፊል የመሰረዝ መብቱ የተጠበቀ ነው።

አድራሻ፡– ራንግ ሪል እስቴት ህንፃ 7ኛ ፎቅ የባንኩ ንብረት አስተዳደር ቢሮ

ስልክቁጥር፡– 0115 576174 ፖ.ሳ.ቁ.16936/አዲስአበባ/

የኦሮሚያ ኀብረት ስራ ባንክ /አ.ማ/

ማህበረሰቡን ማጎልበት፣ ህይወትን መለወጥ!